•            
    • Hikmat Dangol

    • १२ फाल्गुन २०७७, बुधबार ०६:००

    भारतमा फैलन थाल्यो कोरोनाको दोस्रो लहर, नेपालमा जोखिम

    महाराष्ट्र । भारतमा कोरोना भाइरसको दोस्रो लहर फैलन थालेको छ । यसले नेपालमा समेत जोखिम बढाएको छ । कोरोना संक्रमणको लहरलाई रोक्न भारतको महाराष्ट्र सरकारले सोमबारबाट लागु हुने गरी सबै प्रकारका राजनीतिक, धार्मिक र सामाजिक कार्यक्रममा भेला हुन रोक लगाएको छ ।

    यता नेपाल र भारतबीच अब निर्वाध आवतजावतको ढोका करीव खुलिसकेको अवस्थामा नेपालमा समेत जोखिम बढेको हो । महाराष्ट्रका मुख्यमन्त्री उद्धव ठाकरेले टेलिभिजन सम्बोधनमार्mत यस्तो निर्देश जारी गरेका हुन् । उनका अनुसार महाराष्ट्रका सबै राज्यमा मानिस भेला हुन रोक लगाइएको छ ।

    महामारीले राज्यमा फेरि टाउको उठाउँदै गरेको भन्दै उनले लकडाउनबाट मात्र कोभिड १९ समाधान भने नहुने समेत बताए । तर, मानिसहरुको भेला हुने कामले भने फैलावटमा सहयोग पुगेको उनको भनाई छ ।
    मुख्यमन्त्री ठाकरेका अनुसार कोरोना संक्रमणबाट जोगिने नियमहरुको पालना नगर्नेहरुलाई सजायँ दिइने छ । भारतमा कोरोना भाइरस संक्रमणबाट सबैभन्दा बढी प्रभावित हुने राज्यमध्ये महाराष्ट्र एक हो ।

    Facebook Comments

  • सिफारिस सबै
  • छुटाउनुभयो कि? सबै